Saıys barysynda mergendigimen kózge túsip, jeńimpaz bolǵan órenge «Altyn saqa» syılyǵyn respýblıkalyq Asyq atý federasııasynyń vıse-prezıdenti Jomart Sabyrjanov tabys etti.
Atalǵan jarysqa elimizdiń ár qıyrynan jas shamalary 13-14-tegi 50 oqýshy qatysqan bolatyn. Al Qaraǵandy oblysynyń namysyn alty oqýshy qorǵady.
«Altyn saqa» ıegeri Nurdáýlet Esimov Abaı aýdanyna qarasty Qulaıǵyr aýylyndaǵy «Topar» jalpy bilim beretin mektebiniń 8-shi synybynda oqıdy. Asyq atý sportymen ol segiz jasynan beri aınalysady eken. Atalǵan bilim mekemesinde dene shynyqtyrý páninen sabaq beretin Nurlan Rahmetov jas sportshynyń jattyǵýdan qalmaıtyn tártipti, aıtqandy eki etkizbeıtin elgezek jáne eren eńbekqor ekenin aıtady.
Bul jeńis Nurdáýletke kezdeısoq kelgen joq. Ol buǵan deıin de asyq atýdan aýdandyq jáne oblystyq jarystarda top jaryp júrgen tájirıbeli oıynshy bolatyn.
Qaraǵandy oblysy
