Sonymen birge zań Májilis saılaýy kezinde saıası partııalardyń ótý shegin 7%-ten 5-ke deıin tómendetti. Qazaqstandyq sarapshylar jańa túzetýler týraly pikirlerin aıtty. Eýropalyq quqyq jáne adam quqyǵy saraptamalyq ınstıtýtynyń dırektory Marat Báshimov búgin ulttyq qoǵamdyq senim keńesiniń alańynda bastamashylyq jasalǵan zań jobasynyń mańyzdy normalary qabyldanǵanyn atap ótti.
«Bul ózgerister qazaqstandyqtardyń konstıtýsııalylyq, demokratııalyq, ádilettilik, ashyqtyq jáne saıası quqyqtaryn damytý qaǵıdattaryna sáıkes keledi. Sondyqtan demokratııa men quqyq ústemdigin damytýda alǵa jyljýdamyz», dedi ol.
Saıasattaný boıynsha PhD doktory Dına Aıkenova «Qazaqstan Respýblıkasyndaǵy saılaý týraly» zańǵa engizilgen jańa ózgerister saıası júıeni demokratııalandyrý baǵytynda ekenin aıtty.
«Májiliske saıası partııalardyń ótý shegin tómendetý partııalardyń zań shyǵarýshy organǵa kirýine múmkindik beredi jáne sonymen bir mezgilde bılik úshin kúreste partııalardyń belsendiligin yntalandyratyn bolady. Parlamentte Saıası partııalar neǵurlym kóp usynylsa, soǵurlym azamattardyń múddeleri saıası júıeniń jańa ónimderinde kórinis tabady», dedi Dına Aıkenova.
«Rýhanı Jańǵyrý» qazaqstandyq qoǵamdyq damý ınstıtýtynyń taldaýshysy Erlan Medeýbaev Parlament Májilisine saıası partııalardyń ótý shegin 7%-ten 5-ke deıin tómendetý sharalary qazaqstandyq saıası alańdy jandandyrýǵa baǵyttalǵan jáne resmı tirkelgen partııalarǵa saılaýǵa qatysýǵa yntalandyratynyn aıtty.
«Onyń pikirinshe, bul Parlamenttiń tómengi palatasyna qazaqstandyq bıliktiń jańa konfıgýrasııasynda burynǵydan ózgeshe ról atqarýǵa múmkindik beredi», dedi sarapshy.
Sarapshy Lázzat Nurqatova jergilikti deńgeıdegi basqarý tobyn qaıta júkteýdiń jańa tolqyny jaqyn arada shyndyqqa aınalýy múmkin ekenin atap ótti.
«Aýyl ákimderin saılaý – bul azamattardyń óz óńiriniń ómirin jaqsartýǵa qatysýyn jandandyrýdyń jańa resýrsy. Eldiń bet-beınesi astana emes! Eldiń bet-beınesi onyń shalǵaı, aýyldyq jeri. Aýyldaǵy ómir súrý sapasyn kóbinese ákim men onyń komandasy anyqtaıdy», dedi ol.
Sonymen birge «Rýhanı jańǵyrý» qazaqstandyq qoǵamdyq damý ınstıtýty Baǵdarlama jobalary basqarmasynyń basshysy Dýman Jampeıisov halyqtyń saılaýǵa daıyndyǵy týraly aıtty.
«Aýdandyq mańyzy bar qalalar, aýyldyq okrýgter men aýyldar ákimderin tikeleı saılaýǵa halyqtyń jetkilikti daıyndyǵy týraly aıtýǵa bolady. Bul aýyl saılaýshylarynyń prezıdenttik jáne aǵymdaǵy jyly ótken parlamenttik saılaýda aıtarlyqtaı joǵary belsendiligimen rastalady», dedi ol.
«Jastar» ǵylymı-zertteý ortalyǵynyń sarapshylary kandıdattardyń jas shekteýi (25+) ákimderdi jastar arasynan tańdaýǵa múmkindik beredi, bul óz kezeginde qazaqstandyq jastar ókilderin belsendi saıası qyzmetke tartýǵa múmkindik beredi dep paıymdady.
«Aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin saılaýdy engizý qoǵamda merıtokratııa qaǵıdattaryn ilgeriletýge múmkindik beredi jáne halyqtyń óz óńiriniń taǵdyryna yqpal etý múmkindikterin keńeıtedi», dep atap ótti «Jastar» ǴZO dırektorynyń orynbasary Elına Paýlı.
Aıta ketý kerek, 2021 jyldyń ekinshi jartyjyldyǵynda 836 ákim tikeleı daýys berý arqyly saılanady.
Ákimder memlekettik qyzmet týraly zańnamaǵa sáıkes biliktilik talaptaryna sáıkes keletin, jasy 25-ten kem emes QR azamattaryn saılaı alady. Saılaýǵa saıası partııalar usynǵan kandıdattar jáne daýys berýge quqyǵy bar saılaýshylardyń jalpy sanynyń keminde 1%-yna qol jınaý arqyly ózin-ózi usynýshylar qatysa alady.
