Erlan Turǵymbaev óńirdegi qylmystyń ahýaly turaqty qalypta ekenin atap ótti.
«Jergilikti polısııa qyzmetin jetildirýdegi bizdiń basty mindetimiz azamattardyń qaýipsizdigi. Sondyqtan, ulttyq servıstik modeliniń negizgi tulǵasy – ýchaskelik polısııa ınspektorynyń tıimdi qyzmet atqarýy úshin biz barlyq jaǵdaılardy jasaýdy jalǵastyratyn bolamyz», dedi Ishki ister mınıstri.
Oblystyq PD jeke quramyymen keezdesken soń mınıstr oblys ortalyǵyndaǵy jıyrma tórt myńnan astam halyqqa qyzmet kórsetetin «Naberejnyı» tirek beketine at basyn burdy. Erlan Turǵymbaev quqyq buzýshylyqtyń aldyn alýda jergilikti sherıfterdiń jumysy óte mańyzdy ekenin atap ótti.
Sondaı-aq Erlan Turǵymbaev polısııa bólimderiniń tehnıkalyq turǵyda nyǵaıtylý jaǵdaıyn jáne jedel basqarý ortalyǵynyń jumysyn tekserdi.
Ol 211 beınebaqylaý kamerasyn, sonyń ishinde «Qaýipsiz aýla» jobasy aıasynda turǵyn úı aýlalarynda ornatylǵan 60 beınekamerany qamtıdy.
Bul kameralardyń kómegimen jyl basynan beri 60 qylmys ashyldy jáne 10 myńnan astam ákimshilik quqyq buzýshylyq anyqtaldy. Beıne kameralar sanyn ulǵaıtý nátıjesinde oblys ortalyǵynda kóshe qylmystaryn 40 paıyzǵa derlik tómendetýge qol jetkizilip otyr.
