«Jyl sońyna deıin shekaralas aımaqtarǵa Qazaq radıosy men «Shalqar» radıosyn taratýdy qamtamasyz etetin 107 radıo taratqysh ornatylady. Nátıjesinde 630 myńnan astam adam turatyn Túrkistan, Jambyl jáne Shyǵys Qazaqstan oblystarynyń shekaralas aýmaqtaryndaǵy 400-den astam aýyl otandyq radıoarnalardyń baǵdarlamalaryn tyńdaýǵa múmkindik alady», dedi Aqparat jáne áleýmettik damý mınıstri Aıda Balaeva.
Mınıstrdiń aıtýynsha, jol kartasyn iske asyrý nátıjesinde 2025 jylǵa deıin shekaralas oblystar turǵyndarynyń 95%-y radıomen qamtylatyn bolady.
«Memleket basshysynyń aqparattyq tehnologııanyń ıdeologııalyq mazmuny týraly aǵymdaǵy tapsyrmalaryn eskere otyryp, otandyq telearnalar belsendi sharalar qabyldaýda. Atap aıtqanda, ótken jyly tarıhı baǵdarlardy serııaly túrde shyǵarý jumystary bastaldy, bul osy taqyryptyń úlesin 30% arttyrady», dep tolyqtyrdy Aıda Balaeva.
