«Bul endi aıta aıta jaýyr bolǵan másele ǵoı. Dese de, Aqparat jáne qoǵamdyq damý mınıstrliginiń kez kelgen baǵdarlamany unamasa jaýyp tastaıtyn quzyreti joq. Zań bar. Siz aıtyp otyrǵan baǵdarlamalardyń barlyǵy jekemenshik BAQ-tarda júrgizilip jatyr. Biraq qoǵamda narazylyq bolǵannan keıin biz olarmen sóılesip, naqty usynystarymyzdy berdik», degen mınıstr mundaı baǵdarlamalarǵa qoǵamnyń bir bóligi narazylyq tanytsa da, taǵy bir bóligi qyzyǵyp kóretinin eskertti.
«Búginde «Astarly aqıqat», «Qalaýlym» degen baǵdarlamalar reıtıngtiń eń basynda tur eken. Ol degenimiz – suranys bar. Halyq kórgennen keıin BAQ ıesi ol baǵdarlamany eshqashan jappaıdy. Sondyqtan bizdiń negizgi maqsat – mınıstrlik pen BAQ jumylýymyz kerek. Halyqtyń mádenıeti men talǵamyn kóterý kerek. Sol máseleler jolǵa qoıylsa, halyq aq pen qarany aıyra bilse, sondaı baǵdarlamalardyń reıtıngi tómendeıdi», dedi mınıstr.
