Ákimshilik jaýapkershilikke tartylǵan ata-analarǵa 29 170 teńge kóleminde aıyppul salynǵan. Bul týraly Túrkistan oblysynyń bilim salasynda sapany qamtamasyz etý departamenti basshysynyń orynbasary Qudaıbergen Sherbaev brıfıngte málimdedi.
«Bilim jáne ǵylym mınıstrligi jyl saıyn 1-12 maýsym aralyǵynda «Balalar eńbegin paıdalanýǵa qarsy 12 kún» Ulttyq aqparattyq naýqanyn ótkizedi. Maqsaty – balalar eńbegin paıdalanýdyń aldyn alý máselesine qoǵamnyń nazaryn aýdarý. О́ńirde bul baǵytta tıisti sharalar qolǵa alynady. Bilim uıalaryndaǵy bala quqyǵyn qorǵaý – departamenttiń nazarynda», dedi Qudaıbergen Qaıypbekuly.
Negizinen departament tarapynan «Bala qorǵaý» toby jumys istep jatyr. Apta saıynǵy monıtorıng nátıjesinde ótken aptada arnaıy chatqa 63 suraq kelip túsken. Atalǵan máselelerdi ońtaıly sheshý boıynsha tıisti sheshimder qabyldandy.
