Qos tarap 1994-1999 jyldardaǵy Qazaqstan-Amerıka saıası jáne ekonomıkalyq salalardaǵy ekijaqty qatynasyn tereńdetý jónindegi N.Nazarbaev-A.Gor birlesken komıssııasynyń jemisti qyzmetin joǵary baǵalady.
Nursultan Nazarbaev pen Albert Gor Qazaqstan men AQSh-tyń qorshaǵan ortany qorǵaý salasyndaǵy ózara is-qımyldy keńeıtý jáne jahandyq klımattyń ózgerýine qarsy kúres salalarynda kúsh-jiger biriktirý múmkindikterin talqylady.
Elbasy men AQSh-tyń burynǵy Vıse-Prezıdenti halyqaralyq kún tártibindegi ózekti taqyryptar tóńireginde, sonyń ishinde COVID-19 pandemııasyn eńserý, dúnıe júzinde jáne Ortalyq Azııada turaqtylyq pen qaýipsizdikti nyǵaıtý máseleleri boıynsha pikir alysty.
Senim daǵdarysyna, sanksııalyq teketiresterge jáne álemdik derjavalar arasyndaǵy básekelestiktiń jańa deńgeıine baılanysty alańdaýshylyq bildirdi.
Osy oraıda Qazaqstan Respýblıkasynyń Tuńǵysh Prezıdenti planetadaǵy ózekti máselelerge qatysty Reseı, AQSh, Qytaı jáne Eýropalyq Odaq arasynda aýqymdy strategııalyq dıalog bastaý jónindegi óziniń bastamasyna nazar aýdardy.
Telefon arqyly sóılesýge Amerıka tarapy bastamashy boldy.
