«Bul eń mańyzdy máselelerdiń biri shyǵar. Muny kúzdiń basyna qaraı toqtatýdy josparlap otyrmyz. Qyrkúıekke qaraı halyqtyń basym bóligin vaksınalap bitýimiz kerek. Keıbir elderde halyqtyń 60 paıyzyna deıin vaksına saldyrǵanyn jáne maska taǵý rejımin alyp tastaýǵa ruqsat etilgenin kórip otyrmyz, óıtkeni ujymdyq ımmýnıtet bar. Osylaısha adamdar bir-birin qorǵaıdy», dedi Soı jýrnalıstke bergen suhbatynda.
Onyń aıtýynsha, eger qazaqstandyqtar qazir betperde taǵýdy toqtatsa, vırýs tarala beredi, óıtkeni vaksına almaǵan adamdar óte kóp.
«Vırýs adamnan adamǵa beriledi. Vaksına alǵan adamda vırýstyń taralýy toqtaıdy. Eger adamdardyń kópshiligi vaksına alsa, vırýs odan ári basqa bireýge berilmeıdi», dedi Soı.
