Elimizde mundaı emdeý mekemesiniń analogy ázirge joq. Onyń ereksheligi – radıofarmpreparat negizinde onkologııalyq aýrýlardy erte anyqtaýǵa múmkindik beredi. Radıologııalyq nysandy salý barysynda tehnıkalyq talaptar buzylyp, saldarynan daýly sot prosessteri ótken bolatyn. Alaıda, oblys basshylyǵynyń der kezinde qabyldaǵan oń sheshiminiń nátıjesinde barlyq olqylyq joıylyp, nysan kezeń-kezeńmen paıdalanýǵa berilip jatyr.
Iаdrolyq medısına ortalyǵy 3 kezeńmen qoldanysqa berilmek. Alǵashynda radıonýklıdtik-dıagnostıkalyq bólim ashyldy. Bul qaýipti indetti erte bastan emdeýge jol ashady.
«Apparat arqyly biz barlyq organnyń jumysyn baqylaı alamyz. Sondaı-aq endi paıda bolǵan isikti erte bastan anyqtaýǵa múmkindik bar. Qańqanyń qurylymyn zertteı alamyz. Nátıjesi óte jaqsy. Oǵan álden-aq kózimiz jetip otyr», dedi radıonýklıdtik dıagnostıka dáriger Berik Káribaev.
