«Ekonomıkalyq damýdyń árbir kezeńi salyq saıasatynyń tásilderin jetildirýdi jáne qaıta qaraýdy talap etedi. Salyq kodeksine ony jeńildetý turǵysynan tekserý júrgizý qajet», - dedi Olga Perepechına.
Senator Olga Perepechına qazir «Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń Kodeksine ózgerister men tolyqtyrýlar engizý týraly»jáne «Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń Kodeksin qoldanysqa engizý týraly» zań jobasy ázirlengenin atap ótti.
Depýtattar buǵan deıin Úkimetke salyqtyq ákimshilendirýdi túbegeıli ońaılatý jáne jeńildetý boıynsha usynystar ázirleý tapsyrylǵanyn atap ótti. Osyǵan baılanysty, kezdesýge qatysýshylar salyq-bıýdjet saıasatyn jetildirý jónindegi usynystardy talqylady. Atap aıtqanda, biryńǵaı salyqtar men tólemder, tegin mobıldi qosymsha arqyly JK úshin salyq mindettemelerin tirkeý men oryndaýdy jeńildetý, shyǵys operasııalarynyń shekteýlerin jáne qoıylǵan ınkassalyq ókimderdi jyldam alyp tastaý boıynsha erejeni engizý týraly sóz boldy.
Sonymen qatar, mınıstrlikter ókilderi salyq tóleýshilerdiń problemalaryn sheshý týraly esep berdi. Qarjy mınıstriniń orynbasary Marat Sultanǵazıev «Salyq tóleýshi kabıneti»elektrondyq júıesiniń jumys isteý qabiletin jaqsartý úshin jabdyqtar jańartylǵanyn jáne ol bir mezgilde jumys isteıtin paıdalanýshylar sanyn 10 myńnan 150 myń adamǵa deıin ulǵaıtýǵa múmkindik bergenin aıtty.
Senattyń salalyq komıtetiniń tóraıymy Olga Perepechına kezdesý qorytyndysy boıynsha ótken sharanyń jáne qatysýshylar bergen materıaldardy taldaý negizinde zań jobalaryna qosymsha usynystar ázirleýge múmkindik qaralatynyn atap ótti.
