Máselen, buryn elimizdiń jyly óńiri – ońtústikte ǵana paıdalanylyp kelgen SAZ LE60 pnevmo-avtobýstarynyń joǵary jaılylyǵy bıyl Soltústik Qazaqstanda da qoljetimdi bolady. Otandyq óndirýshi seriktesterimen birge, kóliktiń kez kelgen aýa raıyna beıimdelgen arnaıy túrin jasaýǵa kiristi.
Qostanaı zaýyty Qazaqstan óńirleriniń jeke suranystaryna saı SAZ avtobýstarynyń kez kelgen jınaqtalymyn júzege asyrýǵa daıyn.
Joba aıasynda «SaryarkaAvtoProm» JShS men Samauto BK JShQ arasynda yntymaqtastyq týraly Bas kelisimge qol qoıyldy.
«Biz elimizdegi avtobýs parkterindegi tozǵan tehnıkalar máselesin bilemiz. Ony sheshýdiń joly – qoljetimdi jolaýshylar tehnıkasyn óndirip shyǵarý. Shyǵarylatyn ónimdi tańdaý kezinde biz tehnıkalyq sıpattamalaryna erekshe mán beremiz: Euro V ekologııalyq klasy jáne jolaýshylardyń qaýipsizdigi mańyzdy. Osy talaptyń bárine jańa LE60 avtobýsy tolyq sáıkes keledi, sondyqtan bul jolaýshylar kóligin Qazaqstanda júretin marshrýttar qatarynan kútemiz», dep atap ótti «Allıýr» KT prezıdenti Oksana Holstınına.
Avtobýstardy shyǵarý osy jyldyń ekinshi jartysynda bastalady jáne jyl sońyna qaraı taraptar 200 birlik tehnıka shyǵarýdy josparlap otyr. Al kelesi jyly budan eki ese kóp tehnıka shyǵarylmaq.
