Aıtýlarynsha, beketterde 170 qutqarýshy kezekshilik etedi. Sondaı-aq barlyq qaýipsizdik sharalary saqtalǵan 7 kommýnaldyq jaǵajaı ashylmaq. Onda da kásibı qutqarýshylar qyzmet atqarady.
Aıta keteıik, Aqmola oblysynda 500-den astam sý aıdyny bolsa, tek tórteýinde ǵana kásibı stasıonarlyq qutqarý beketi bar. Al qalǵandaryna ýaqytsha beketter qoıylady. Jalpy ótken jyly óńirde 19 adam sýǵa ketse, bıyl osy aıdyń ózinde 3 adam sýǵa ketken.
«22 mamyr kúni Ereımentaý aýdanyndaǵy Qorjynkól kólinde qaýipsizdik erejelerin saqtamaýdyń kesirinen 2003 jylǵy azamat sýǵa batyp ketti. Al, 25 mamyrda Arshaly aýdanynda erigen qar sýynan jınalǵan kólshikte 2013 jyly týǵan aǵaıyndy baýyrlar mert boldy. Bul jerde ata-analary balalaryn qaraýsyz qaldyrǵan», dedi oblystyq TJD basqarma basshysy Ashat Aqyljanov.
