Ákimdiktiń málimetinshe, qoldanystaǵy zańnamany attap ótip jasalǵan barlyq mámileler, onyń ishinde aldyn ala brondaý sharty, rezervteý sharty, ınvestısııalaý sharty, talap etý quqyǵyn basqaǵa berý sharty, tómende kórsetilgen kóppáterli turǵyn úı keshenderine jaramsyz bolyp sanalady.
Sondaı-aq Nur-Sultan qalasynyń ákimdigi turǵyndardyń óz aqshasyna saq bolýyn jáne ruqsat qujattary bolmaǵan jaǵdaıda turǵyn úı satyp alýdan bas tartý kerektigin eskertedi.
«Turǵyn úı qurylysyna úlestik qatysý týraly» Qazaqstan Respýblıkasynyń zańnamasynda kórsetilgendeı úleskerlerdiń qarajatyn tıisti ruqsatsyz qabyldaýǵa tyıym salynady. Bul rette Qazaqstan Respýblıkasynyń Ákimshilik quqyq buzýshylyq týraly Kodeksiniń 320-baby, sondaı-aq Qazaqstan Respýblıkasy Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilikke tartylady.
Týyndaǵan suraqtar boıynsha «Nur-Sultan Qalalyq orta sapasy jáne baqylaý basqarmasy» MM-ge, ıaǵnı Saryarqa aýdany, Beıbitshilik kóshesi 8 mekenjaıyna júginýge bolady. Aqparatty telefon arqyly da alýǵa bolady: 8 (7172) – 55-04-28, 55-04-30.
