Álem • 31 Mamyr, 2021

Reseı Belarýsti qoldaý maqsatynda qaryz berdi

119 ret kórsetildi

Eýropa el­de­riniń Be­la­rýs­ke sanksııa salýyna baı­lanysty Reseı prezıdenti Vladımır Pýtın qoldaý retinde 500 mln AQSh dollary kóleminde qaryz berýge kelisti.

 

Bul sheshim prezıdent Lýka­shen­komen eki kúnge sozyl­ǵan kelissóz nátıjesinde qabyl­dan­dy. Kelissóz Sochıde Qara teńiz­degi kemelerdiń birinde ótti.

Bul qarajat Máskeýdiń Bela­rýske ekijaqty qarym-qatynasty nyǵaıtý, seriktestikti damytý maq­satynda qaryzǵa beriletin 1,5 mlrd AQSh dollardyń bir bóligi. Mınsk bul kelisimniń birinshi bóligin, ıaǵnı 500 mln dollardy qazan aıynda alǵan edi. Endi ekinshi transhty maýsymǵa deıin alyp úlgeretini málim boldy.

Pýtın bolsa, eýropalyq árip­­­testeriniń ushaqqa qatysty oqıǵaǵa jaýabyn synǵa aldy. Pre­zıdenttiń oıynsha, bul – emosııaǵa berilip jasalǵan áreket. Reseı óz kezeginde, kerisinshe, Bela­rýske qatynaıtyn ushaqtar sanyn arttyrmaq. Kremldiń baspasóz hatshysy Dmıtrıı Peskov: «Bul sheshim Belarýske sank­sııa saldarynan keletin shyǵyndy azaıtýǵa kómektespek», deıdi.

Eki kúnge sozylǵan kemedegi kezdesýde Pýtın men Lýkashenko áýe qatynasy men «Belavııa» kom­­­pa­nııa­synyń ushatyn baǵyt­taryn talqylady. Eki eldiń kólik mınıstr­likteri áýe qatynasynyń jańa josparyn daıyndaıtyn boldy. «Belavııanyń» elge oralý baǵy­tyn qaıta qarastyrý kerek. Ol úshin barlyq múmkin baǵyt­tar esepke alynady», dedi Reseı tarapy.

Sonymen qatar Dmıtrıı Pes­kov prezıdentter ushaqta bolǵan Protasevıch pen Sapeganyń da ja­ıyn talqylady. D.Peskov bul ta­qyrypty Vladımır Pýtın ózi kótergenin, Reseı azamaty Sape­ganyń taǵdyry olardy beı­jaı qaldyrmaıtynyn habarlady.

«Kreml Sapeganyń Bela­rýste turýǵa ruqsaty baryn endi bildi. Degenmen bári zań aıasynda sheshilýi kerek. Prezıdent Pýtın Syrtqy ister mınıstrine aza­matymyzdyń isin baqylaýǵa alyp, nazardan shyǵarmaý jó­nin­de tapsyrma berdi», dedi D.Peskov.

Uqsas jańalyqtar