«Qýmtor» ken ornyn ıgerý jobasynyń túrli kezeńinde sybaılas jemqorlyq deregi boıynsha qylmystyq isti tergeý sheńberinde Babanovtyń ustalǵany týraly aqparat naqtylanyp jatyr. Oǵan QR QK «Sybaılas jemqorlyq» baby boıynsha kúdikke ilingeni týraly habarlama berilgen.
Qyrǵyzstan UQK ókili Tengrinews.kz tilshisine «Kýmtor» jobasyn iske asyrý kezinde sybaılas jemqorlyq deregi boıynsha Babanovtyń ustalǵany týraly aqparatty rastady.
«Tergeý barysynda alynǵan dálelder negizinde 2021 jylǵy 31 mamyrda QK-nyń 319-baby 2 - bóliginde «Sybaılas jemqorlyq» kózdelgen qylmys jasady degen kúdikpen burynǵy premer-mınıstr Babanov ustaldy», delingen habarlamada.
Vedomstvo qylmystyq isti tergeýdiń barysy men nátıjeleri týraly jurtshylyqty turaqty negizde habardar etetinin aıtty.
Buǵan deıin «Kýmtor» isi boıynsha burynǵy premer-mınıstr Temir Sarıevten jaýap alynǵan bolatyn. Keıin UQK-de parlamenttiń burynǵy depýtattary Tursyntaı Salımov pen Sergeı Ibragımovtan da jaýap alynǵany belgili boldy.
Basylym málimeti boıynsha, 15 mamyrda «Kýmtor Gold Kompanı» keńselerinde tintý júrgizilgen. Keıin tergeý sharalary sybaılas jemqorlyq deregi boıynsha qozǵalǵan qylmystyq is sheńberinde júrgizilgeni belgili boldy. UQK basshysy Qamshybek Tashıev «Qýmtor» kenishine qatysty tórt qylmystyq is bar ekenin aıtty. Kompanııada syrtqy basqarýshy retinde Tengız Boltýrýk taǵaıyndalǵan.
