Balalarda 72 saǵat buryn júrgizilgen Sovid-19 zerthanalyq zertteýdiń teris nátıjesi bolǵan jaǵdaıda jazǵy saýyqtyrý lagerlerine kirýine ruqsat etiledi. Munyń jaı-japsaryn Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń Tamaqtaný, bilim berý jáne tárbıe obektilerin sanıtarlyq-gıgıenalyq baqylaý jáne qadaǵalaý basqarmasynyń bas sarapshysy Indıra Basmanova túsindirip berdi.
Onyń aıtýynsha, árbir balada lagerlerge kelgende densaýlyq jaǵdaıy týraly qujattar – 079/ý nysany, saýyqtyrý lagerine baratyn oqýshyǵa arnalǵan medısınalyq anyqtama, juqpaly aýrýlarmen, onyń ishinde Sovid-19-ben aýyrmaıtyny týraly anyqtamalar, kelgenge deıin 72 saǵat buryn júrgizilgen PTR-testtiń teris nátıjesi bar qujat bolýy tıis.
Bıyl balalar lagerleriniń qyzmetine ruqsat etilgen. Biraq áleýmettik-ekonomıkalyq nysandardyń «jasyl aımaqtaǵy» jumys ólshemsharttaryna sáıkes jazǵy lagerler shekteýsiz, «sary aımaqtaǵy» lagerlerde 50% tolǵanda jáne «qyzyl aımaqtaǵy» lagerlerde 30% tolǵanda jumys isteıdi.
I.Basmanova komıtet saıtynda halyqtyń sanıtarlyq-epıdemııalyq salamattylyǵy salasyndaǵy normatıvtik quqyqtyq aktilerdiń talaptaryna sáıkes keletin Balalardy saýyqtyrý uıymdarynyń tizimi ornalastyrylǵanyn eske saldy.
Qazaqstan Respýblıkasy Bas memlekettik sanıtarlyq dárigeriniń 2021 jylǵy 26 mamyrdaǵy №24 qaýlysymen menshik nysanyna qaramastan, balalardy saýyqtyrý lagerleri (mektep janyndaǵy, qala syrtyndaǵy) qyzmetiniń shekteý is-sharalaryn, onyń ishinde karantındi engizý kezeńine arnalǵan algorıtmi bekitildi.
