«Tek memlekettik qyzmetshiler ǵana emes, mektep dırektorlary, onyń orynbasarlary, tipti muǵalimder men feldsherler óz salasynda 6 jyldan artyq istese, saılaýǵa túse alady. Fermerlik sharýashylyq basshylary týraly da osyny aıtýǵa bolady. О́kinishke qaraı, sarapshylar qaýymdastyǵy osy máseleni sál durys túsinbeı jatyr. Biliktilik talabynyń 9 nusqasy bar. Kandıdat sol toǵyz nusqanyń birine sáıkes kelýi kerek. Iá, memlekettik qyzmet týraly talap bar. Biraq taǵy bir talap boıynsha, memlekettik qyzmette eńbek ótili bolmasa da, ákim bola alatyny jazylǵan. Ǵylymı dárejesi bar adamdar memlekettik qyzmette ótili bolmasa da, ákim bola alady. Prezıdenttik jastar kadr rezervinde turǵan balalarǵa da múmkindik qarastyrdyq», deıdi Prezıdent ákimshiligi jetekshisiniń orynbasary.
Eske salsaq, Prezıdent Qasym-Jomart Toqaev saılaý týraly Konstıtýsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.
