«Qazaqstan Respýblıkasynda dinı ekstremızm men terrorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlamanyń» talaptaryn iske asyrý aıasynda elordalyq Dintaný ortalyǵy memlekettik-konfessııalyq saıasatty túsindirýge, sondaı-aq halyqtyń quqyqtyq jáne dinı saýattylyǵyn arttyrýǵa baǵyttalǵan aqparattyq-túsindirý jumysyn júrgizedi.
О́tken aptada ǵana din máseleleri jónindegi aqparattyq-túsindirý toby elordanyń 500-den astam turǵynymen 27 kezdesý ótkizdi. Kezdesýler quqyq qorǵaý organdarynyń qyzmetkerleri, órt sóndirý bólimderi, PIK qyzmetkerleri, sondaı-aq qala kolledjderiniń stýdentteri úshin uıymdastyryldy.
Sonymen dáris barysynda «destrýktıvti dinı uıymdardyń rıtorıkasy», «dástúrli jáne dástúrli emes dinı aǵymdar», «ınternette destrýktıvti dinı uıymdardyń tartý ádisteri» sekildi ózge de ózekti taqyryptar túsindirildi.
Kezdesý sońynda destrýktıvti dinı aǵymdardyń mánin túsindirý, Qazaqstan Respýblıkasynyń zaıyrlylyq termınin anyqtaý, «iKomek-109» jedel jelisi, QR aýmaǵynda tyıym salynǵan terrorıstik jáne ekstremıstik uıymdardyń tizimi týraly, Nur-Sultan qalasyndaǵy konfessııalyq palıtra týraly aqparat, sondaı-aq QR normatıvtik-quqyqtyq bazasy talqylandy.
Dáris barysynda tyńdaýshylar ózderin qyzyqtyrǵan suraqtaryn qoıyp, bilikti mamandardyń jaýabyn tyńdady.
