Kapıtan kisi óltirgeni úshin, sondaı-aq atys qarýyn saqtaǵany jáne alyp júrgeni úshin kináli dep tanyldy.
«Sot 2019 jyldyń jeltoqsan aıynda Taldyqorǵan qalasynda bolǵan I. esimdi kapıtan óziniń bastyǵy D. esimdi maıorǵa 16 kalıbrli qarýdan jaqyn qashyqtyqta basynan oq atqanyn anyqtady. Sottalýshy qylmystyń izin jasyrý maqsatynda qarýdy ózenge laqtyrǵan. Sot úkimimen I. kapıtanǵa 12 jylǵa bas bostandyǵynan aıyrý jazasy taǵaıyndaldy», delingen sot habarlamasynda.
Sot úkimi zańdy kúshine engen joq.
Eske salsaq, 2020 jyldyń 26 jeltoqsanynda ofıserdiń Taldyqorǵan shaǵyn aýdandarynyń birinde óz úıiniń aýlasynda bet-júzine oq atylǵany belgili boldy. 36 jastaǵy áskerı qyzmetshiniń denesin úıdiń aýlasynan ótip bara jatqan adamdar taýyp, polısııa men jedel járdem shaqyrdy. Jergilikti áskerı bólimniń maıor qyzmetkerin aman alyp qalý múmkin bolmady. Ol dárigerler kelgenge deıin qaıtys boldy.
