Bul tizimge qarýdyń barlyq túri, oq-dári, jarylǵysh zattar, sondaı-aq tesýge jáne kesýge arnalǵan zattar kiredi.
«Bilim uıymdarynda tyıym salynǵan zattardyń tizimin ázirleýge biz ótken jyly kiristik. Osy jyldyń qańtar aıynan bastap «Bilim týraly» zań sheńberinde osy tizimdi ázirleý jáne bekitý bizdiń quzyretimizde. Tyıym salynǵan zattardyń tizimi Ishki ister mınıstrligi, Densaýlyq saqtaý mınıstrligi, Sıfrlyq damý, ınnovasııalar jáne aeroǵarysh ónerkásibi mınıstrlikterimen, UQK, Bas prokýratýramen jáne Joǵarǵy Sotpen birlesip jasaldy», dep atap ótti Bilim jáne ǵylym mınıstri Ashat Aımaǵambetov.
Jańa normany engizý oqýshylar úshin qaýipsiz jáne jaıly orta qalyptastyrýǵa, sondaı-aq quqyq buzýshylyqtardy ýaqytyly anyqtaýǵa jáne onyń aldyn alýǵa múmkindik beredi. Osylaısha, mektepterge qarý men oǵan syrtqy uqsastyǵy bar zattardy ákelýge qatań tyıym salynady. Budan bólek, bilim uıymdarynda shanshıtyn, kesetin jáne ótkir zattardy, ónerkásiptik quraldardy, oq-dári, jarylǵysh, ýly, psıhoaktıvti zattardy ákelýge jáne paıdalanýǵa jol berilmeıdi.
Sondaı-aq mektep oqýshylarynyń oqý sabaqtary kezinde smartfon, planshet, pleıerlerdi paıdalanýyna shekteý engiziledi. Bul shekteýler densaýlyqty baqylaý úshin smartfondy qajet etetin erekshe bilim berý qajettilikteri bar balalarǵa qatysty emes.
Máselen, qant dıabeti bar oqýshylarǵa qandaǵy qantty baqylaý úshin smartfon qajet bolýy múmkin. Balalardyń tyıym salynǵan zattardy bilim uıymdaryna kirgizgeni úshin olardyń ata-anasy men zańdy ókilderi jaýapty bolatynyn aıta ketken jón.
