Azııa chempıonatynda bokstan Qazaqstan áıelder quramasy segiz altyn ıelenip, jalpy esepte kósh bastady. Osy oraıda Nazym Qyzaıbaı chempıonatqa asa tyńǵylyqty daıyndyqpen kelgenin aıtty.
«Azııa chempıonatyna daıyndyq óte jaqsy boldy. Ár jarysqa tyńǵylyqty daıyndalamyz. Bul joly óte jaqsy nátıje kórsettik. Komandalyq esepte 1 oryn alǵanymyzǵa qýanyshtymyn. Árıne, ár jarysqa jeńsek degen oımen baramyz. Komandadaǵy qyzdar da, men de osy jarysqa bar yqylasymyzben daıyndaldyq: jattyǵýlardy úzbeı jasadyq, psıhologııalyq turǵydan da jumystar júrgizildi. Osyǵan deıin kóp eńbek etsek te, keı jarystarda jolym bolmaı, júldeli oryndar ala almadym. Sol sebepti osy jarysta bar kúsh-jigerimdi saldym. Eń áýeli bapkerime, sondaı-aq bizben birge jumys istegen psıholog, dáriger sııaqty mamandarǵa raqmetimdi aıtamyn», dedi ol.
Degenmen, Nazym Qyzaıbaı Olımpıadaǵa joldama ala almaı jatqanyn tilge tıek etti. Onyń aıtýynsha, irikteýge basqa boksshy qyz barǵan, biraq jeńilip qalǵan eken.
«Irikteýge meni jibermedi. Eger barsam, joldama alar edim dep oılaımyn. Azııa chempıonatynda menen jeńilgen sportshylar Olımpıadaǵa joldama aldy. Al bizdiń Olımpıadaǵa baryp-barmaıtynymyz ázirge belgisiz bolyp jatyr, deıdi N.Qyzaıbaı.
