Oblystyq Polısııa departamenti baspasóz qyzmetiniń málimetinshe, búginde oblysta QR azamattarynyń qujattaryn rásimdeý nemese azamattyǵy joq tulǵalardy kýálandyrý, mártebesi rettelmegen adamdardy, ıaǵnı 1974 jylǵy úlgidegi KSRO pasportymen júrgen tulǵalardy anyqtap, qujattandyrý maqsatynda arnaıy aksııa ótýde.
Atalǵan sharany kóshi-qon qyzmeti bólinisteri men ýchaskelik polısııa qyzmetkerleri birlese ótkizip, aqparattyq túsindirý jumystaryn júrgizip jatyr.
Aksııa aıasynda kóshi-qon qyzmeti tobynyń aǵa ınspektory polısııa maıory Nurman Shyńǵysbaev qujaty joq, nemese merzimi ótken tulǵalardy anyqtap, qujat alýyna qajetti kómekter kórsetti. Tártip saqshylary tarapynan qurylǵan arnaıy mobıldik top júrip-turýy qıyn azamattardyń úılerine baryp, sýretke túsirip, qujattaryn rásimdegen.
«Máselen, Túrkistan oblysynda 101 jastaǵy aq jaýlyqty ana Nýrı Iýldasheva polıseılerge tólqujatynyń merzimi ótkenin habarlaǵan. Kóp uzamaı polısııa qyzmetkerleri jańa tólqujatty rásimdep úıine aparyp berdi. Ǵasyr jasaǵan keıýana Túlkibas aýdanynda turady. Qazirgi tańda ájeı 1 ul, 1 qyz, 10 nemere, 27 shóbere, 51 shópshek súıip otyr», delingen PD habarlamasynda.
