Sinovac farmasevtıka kompanııasynyń basshysy In Vaıdýnnyń aıtýynsha, egde jastaǵy adamdarmen salystyrǵanda kámeletke tolmaǵan balalardyń koronavırýsqa qarsy vaksınasııaǵa basymdyǵy tómen.
Sonymen qatar klınıkalyq synaqtarǵa 17 jasqa deıingi 500-den asa bala qatysqan. Olar vaksınanyń kishi jáne ortasha dozasyn aldy. I jáne II fazanyń aldyn ala nátıjesi 3 jastan 17 jasqa deıingi vaksına alýshy balalarda ımmýndyq reaksııa týdyrýy múmkin ekenin kórsetken, al jaǵymsyz reaksııanyń kóbi jeńil túrde ótedi.
In Vaıdýn jas toptar úshin Sinovac vaksınasyn engizý merzimi Densaýlyq saqtaý organdary qabyldaǵan Qytaıdyń vaksınasııa strategııasyna baılanysty ekenin aıtty.
Buryn Sinovac Sinopharm-nan keıin DDU maquldaǵan ekinshi Qytaı vaksınasy bolǵan edi. Sinovac preparatynyń birinshi partııasy Almatyǵa 1 maýsymda kelgen bolatyn. Qazaqstan óńirlerine koronavırýsqa qarsy tórtinshi vaksınany jetkizý 12 maýsymnan keıin bastalady.
