Sonymen qatar Mádenıet jáne sport mınıstri júzdesý kezinde Jansaıanyń jáne ózge de shahmatshylarymyzdyń halyqaralyq deńgeıdegi jetistigi elimizde atalǵan sport túriniń tamyryna qan júgirtip, qarqyndy damýyna jol ashatynyn atap ótti.
Aqtoty Raıymqulova óz sózinde jas shahmatshynyń Ortalyq Azııada erler arasyndaǵy grossmeı̆ster ataǵyna qol jetkizgen tuńǵysh shahmatshy qyz atanýymen quttyqtady.
«Siz kóptegen jahandyq jarysta ushqyr oı̆ men kóz ilespes jyldamdyqty ushtastyryp, adamzat tarıhyndaǵy eń ejelgi oı̆ynnyń birinde tolaı̆ym tabystarǵa qol jetkizý arqyly patsha kóńildi shahmat jankúı̆erleriniń ystyq yqylasy men zor qoshemetine bólenip kelesiz. Siz baǵyndyrǵan búgingi bıik beles elimizdiń ər óńirinde shahmat oı̆ynyn keńinen nasıhattaýǵa, qarqyndy damytýǵa súbeli úles qosýyna tilektespin. Aldaǵy ýaqytta da dúbirli dodalarda mereı̆ińiz ústem túsip, jarqyn jeńisterińiz kóp bolsyn!», dep aıtty mınıstr.
Jansaıa óz kezeginde qoldaý kórsetken barlyq jankúıerine jáne Aqtoty Raıymqulovaǵa qabyldaǵany úshin alǵys aıtyp, alda budan da jarqyn jeńistermen qýantýǵa tyrysatynyn jetkizdi.
