Qoǵam • 08 Maýsym, 2021

QTJ Jolaýshylar poıyzynyń keshigý sebebin túsindirdi

101 ret kórsetildi

«QTJ» UK» AQ temir joldarǵa kúrdeli jóndeý júrgizilýine baılanysty jolaýshylar poıyzdary qozǵalysynyń kestesi buzylyp otyrǵanyn málimdedi, dep habarlaıdy Egemen.kz

«Temir joldardy jańǵyrtý osy jyly sáýir aıynda bastaldy. Bul jumystar qozǵalys qaýipsizdigin jáne júk, jolaýshylar poıyzdarynyń jyldamdyǵyn arttyrýǵa baǵyttalǵan. Jóndeý shtattyq tártipte, keshiktirilmeı jasalýda. Koronavırýs ınfeksııasymen kúres aıasynda barlyq qaýipsizdik sharalary eskerilip otyr. «QTJ» UK» AQ keltirilgen yńǵaısyzdyqtar úshin jolaýshylardan keshirim suraıdy jáne jumystardy tezirek aıaqtaý úshin barlyq qajetti sharalar qabyldanady», deıdi «QTJ» UK» AQ baspasóz qyzmeti.

2001 jyldyń 8 jeltoqsanyndaǵy QR «Temir jol kóligi týraly» zańynyń 80 baby 3 tarmaǵyna sáıkes jolaýshylar poıyzdarynyń keshiktirilgeni úshin aıyppul tóleý qarastyrylǵan:

80 bap Jolaýshylardy, bagajdardy, júk bagajdaryn jetkizý merziminiń buzylǵany úshin jaýapkershilik.

3 t. Temirjol stansııalaryna jolaýshy tasymaldap bara jatqan jolaýshylar poıyzdary kidirtilip jóneltilse jáne keshigip kelse tasymaldaýshy jolaýshyǵa jol júrý qujaty (bılet) qunynan 3 paıyz kólemde keshikken ár saǵat úshin aıyppul tóleıdi. Bul rette keshiktirý men kidirýine qandaı da bir basqa kúshtiń saldary sebep bolǵanyn dáleldeı almasa jolaýshylarǵa shyǵynyn ótep beredi. О́ndirilgen aıyppul somasy jol júrý qujatynyń qunynan asyp ketpeýi kerek. Jolaýshylar poıyzdarynyń keshiktirilgeni úshin tólenetin aıyppul tasymal erejelerine saı jolaýshylar aryzy boıynsha tólenedi.

О́temaqyny alý úshin jolaýshy vokzaldaǵy kezekshiden jol júrý qujatyna mindetti túrde poıyzdyń keshiktirilgeni týraly belgi soqtyrady. Ári qaraı jolaýshy sol qujat arqyly, sonymen qatar jeke kýáligin alyp «QTJ» UK» AQ-nyń kez kelgen kassasyna baryp, zań boıynsha ózine tıesili ótemaqyny alady.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar