«Tergeý departamenti basshysynyń Birtanovqa qatysty úıde qamaýda ustaý merzimin 9 aıǵa deıin, ıaǵnı 2021 jyldyń 14 shildesine deıin uzartý týraly ótinishi qaralyp jatyr. Qosymsha saraptama aıaqtaldy, Densaýlyq saqtaý mınıstrliginiń qyzmetkerlerinen suhbat alyndy, ózge de tergeý áreketteri júrgizildi.
О́tinish oryndalǵan jumystar aktisi boıynsha memlekettik aýdıt departamentiniń qorytyndysymen, sondaı-aq úıqamaq merziminiń 14 maýsymda aıaqtalýyna baılanysty. Úıqamaq merzimin 14 shildege deıin uzartýdy jáne qanaǵattandyrýdy suraımyn», dedi sotta prokýror Tólegen Jaraspaev
Memlekettik aıyptaýshy Birtanovqa qatysty shekteý qoıýdy surady. Otbasy múshelerinen basqa barlyq adammen telefon arqyly sóılesýge tyıym salý, úıden shyǵýdy shekteýdi surady. Onyń aıtýynsha, tergeý merzimi 1 tamyzǵa deıin uzartylady.
«Buryn alynyp tastalǵan osy shekteýlerdi qazirgi jaǵdaılarǵa baılanysty belgileý qajet. Kúdikti Birtanov sotqa tyıym salynǵanyn bilip, birqatar buzýshylyqqa barǵan. Osyǵan baılanysty qylmystyq qýdalaý organy buryn alyp tastalǵan shekteýlerdi belgileý týraly qaıta ótinish jasaıdy. Munda tek BAQ qyzmetkerleri bar jáne keıbir tergeý áreketi jarııa etilmeıdi. Taraptardyń ótinishi bolǵandyqtan, bul ótinishte bári jazylǵan», dedi prokýror.
Eske salaıyq, 21 sáýirde burynǵy densaýlyq saqtaý mınıstri Eljan Birtanovqa úıqamaq merzimi uzartyldy, biraq páterden belgili bir ýaqytta ketýge ruqsat etilgen bolatyn.