Igi is-sharaǵa respýblıkalyq jastar uıymdarynyń, atap aıtqanda, Qazaqstan halqy Assambleıasy janyndaǵy «Jańǵyrý joly» respýblıkalyq jastar qozǵalysynyń, Nur Otan partııasynyń Jas Otan Jastar qanatynyń, Qazaqstan jastary Kongresiniń, el Prezıdentiniń «Bolashaq» halyqaralyq stıpendııasy túlekteri qaýymdastyǵynyń, «Jas ulan» respýblıkalyq balalar-jasóspirimder uıymynyń, Qazaqstan Stýdentter alıansynyń, Qazaqstan KTK odaǵynyń basshylary men ókilderi qatysty.
– «Meniń Týym, Meniń Eltańbam, Meniń Ánuranym – men úshin qalyptasqan Qazaqstandy beıneleıtin kıeli nyshandar». Qazaqstannyń Tuńǵysh Prezıdenti – Elbasy Nursultan Nazarbaevtyń bul sózderi árbir patrıottyń sezimin bildiredi. Uly Otanymyz, otbasymyz, jaqyndarymyz jáne dostarymyz týraly árdaıym eske salatyn qasıetti nyshandar. Sondyqtan da, biz – Qazaqstan jastary el Táýelsizdiginiń 30 jyldyǵy aıasynda Memlekettik rámizderimizge qarap, keýdemizdi Otanǵa degen zor maqtanysh kerneıdi. Bizge ádiletsizdik pen qaqtyǵysqa tózbeıtin qoǵamda babalarymyz ǵumyr keship, bolashaq urpaǵymyz myń jasaıtyn jerde, shańyraǵymyz kóterilgen, jaqyndarymyz turatyn Táýelsiz Qazaqstanda dúnıege kelý, ómir súrý jáne jasampaz bolý baqyty buıyrdy, – dedi jastardyń Patrıottyq aktisin jarııalaǵan Jas Otan Jastar qanatynyń tóraǵasy Nurjan Jetpisbaev.
Atalǵan Patrıottyq aktini orys tilinde «Jańǵyrý joly» respýblıkalyq jastar qozǵalysynyń tóraǵasy Temir Jumyrbaev jarııalady. Sondaı-aq jastar uıymdarynyń birqatar ókili patrıottyq aksııa men Patrıottyq aktini qoldaýǵa nıet bildirdi.
– Erkindikke umtylǵan halqymyz nebir qıyn-qystaý joldy júrip ótti. Táýelsizdikke qol jetkizip, el irgesin qalaýdyń aýyr kezeńderin bastan ótkerdi. Bul jolda jeńis te, jeńilis te qatar júrdi. Tarıhı oqıǵalar boldy. Osynyń barlyǵyn Memlekettik rámizderimiz bergen rýhtyń, qaısarlyqtyń arqasynda ótkerdik. Elimizdiń egemendigi men bostandyǵyn osy rámizderimiz aıqyndap tur. Memlekettik nyshandar – tek sándik, kórkemdik beıneler ǵana emes. Sondaı-aq alǵa qoıǵan Azattyq ıdeıasynyń iske asqandyǵynyń kórinisi. Bul ıdeıa adamdardyń sana-sezimine uıalady, – dedi «Bolashaq» halyqaralyq stıpendııasy túlekteri qaýymdastyǵy tóraǵasynyń orynbasary Álisher Dúngenın.
Aksııa áleýmettik jelilerde tikeleı efırde kórsetilip, ony jastar uıymdarynyń aımaqtyq fılıaldary men jastar resýrstyq ortalyqtary da qoldady. Sondaı-aq, arnaıy #Meniń rámizderim; #Meniń Týym; #Meniń Qazaqstanym; #Rámizder kúni heshtegteri arqyly nasıhattady. Táýelsizdiktiń urpaǵy, qurdasy sanalatyn jas belsendiler otandastarymyzdy egemen elimizdiń jetistikterin tereń qurmetteýge jáne Qazaqstannyń qaryshtaı berýi úshin aǵa býynnyń jasampaz bastamalaryn jalǵastyrýǵa shaqyrdy. Jastardy jasampazdyqqa, rýhanı-adamgershilikke úndedi. Jalpy Memlekettik rámizder kúnine oraı patrıottyq aksııalar, sporttyq jarystar men týrnırler, kitap kórmeleri, chelendjder, sýret baıqaýlary, taqyryptyq kezdesýler syndy túrli formattaǵy 400-ge jýyq is-shara uıymdastyryldy. Sonyń 170-ten astamy – onlaın-formatta ótkizildi.
Patrıottyq aksııanyń sońy jyldaǵy úrdisten jańylmaı, avtosherýge ulasty. Atalǵan sherý 2017 jyldan beri dástúrli túrde ótkizilip keledi. Osylaısha, Memlekettik rámizder kúni men el egemendiginiń 30 jyldyq mereıtoıyna oraılastyrylǵan sherýge qatysýshylar osy jyly 30 shaqyrymdy eńserdi. Avtosherýge merekege oraı Memlekettik Týmen bezendirilgen 10 shaqty motosıkl men 40-qa jýyq jeńil avtokólik, sondaı-aq sporttyq kólikter qatysty.
