Qaýipsizdik keńesi Bas Assambleıaǵa Antonıo Gýterrıshti ekinshi besjyldyq merzimge BUU bas hatshysy etip taǵaıyndaýdy usyndy: 2022 jyldyń qańtarynan 2026 jyldyń 31 jeltoqsanyna deıin. Sheshim biraýyzdan qabyldandy. Bas Assambleıada daýys berý 18 maýsymǵa josparlanǵan.
«Keńes múshelerine maǵan degen senimi úshin óte rızamyn. Bas Assambleıa maǵan ekinshi mandat mindetterin senip tapsyrsa, óte qýanar edim», delingen Gýtterısh málimdemesinde.
Bul laýazymǵa qazirgi bas hatshydan bólek taǵy 10 kandıdat úmitker bolǵan, biraq olardyń eshqaısysy resmı túrde BUU-ǵa múshe elderden usynylǵan joq.
Antonıý Gýterrısh – portýgalııalyq saıasatker. BUU bas hatshysy laýazymyna 2016 jyly 13 qazanda onyń kandıdatýrasyn Qaýipsizdik keńesiniń usynymy boıynsha BUU Bas Assambleıasy bekitkennen keıin 2017 jyly 1 qańtarda kiristi.
Buǵan deıin Qasym-Jomart Toqaev BUU-nyń qazirgi bas hatshysymen kelissózder barysynda Qazaqstan Antonıý Gýterrıshtiń ekinshi merzimge kandıdatýrasyn qoldaıtynyn málimdegen bolatyn.
