Osy oraıda Memlekettik hatshy Qyrymbek Kósherbaev eldegi qýǵyn-súrgin qurbandaryn aqtaý sharalary Qazaqstan halqy Assambleıasyn aınalyp ótpeıtinin tilge tıek etti.
«Taqyryptyq josparlar men ádisnama aıasynda arnaıy eki kishi komıssııa, 11 jumys toby, 17 aımaqtyq komıssııa qurylyp, jumys istep jatyr. Búginde respýblıka sheńberindegi arhıvterde zertteý jumystary júrip jatyr. Sheteldik áriptesterimizben de birlesken jumystar bastaldy. Bul jumystarǵa etnomádenı birlestikterdiń ókilderi belsendi qatysýda. О́ıtkeni, qýǵyn-súrgin qurbandaryn aqtaý kezinde qazaq halqynyń júzdegen myń azamaty men ardaqtylarynyń adal aty ǵana aqtalyp qoımaıdy. Sonymen qatar Qazaqstanda jer aýdarylǵan 62 etnos ókilderine qatysty da tarıhı ádilettilik ornaıdy», dedi Memlekettik hatshy.
