Eraly Toǵjanov eldegi epıdemııalyq ahýal tek keshendi sharalardyń, ásirese, halyqty vaksınalaýdyń arqasynda turaqtalatynyn atap ótti.
«О́ńirler vaksınalarmen tolyq qamtamasyz etilgen. Respýblıka boıynsha táýligine shamamen 68 myń adam vaksınalanady. Osy oraıda birinshi komponent boıynsha – 44 myń adam ekpe saldyrady. Degenmen, Mańǵystaý, Aqmola, Qostanaı oblystarynyń, Nur-Sultan qalasynyń ákimdikteri bul jumysty jedeldetip kúsheıtýi kerek», dedi Úkimet basshysynyń orynbasary.
Onyń aıtýynsha, densaýlyq saqtaý mınıstrliginiń derekteri tek sońǵy úsh kúnde vıse-premer usynǵan sandarǵa jaqyn. Vaksınalanǵandardyń apta ishindegi kúndelikti táýliktik ósimi mynany qurady:
10 maýsymǵa: birinshi komponent – 44 691, ekinshi komponent – 23 856;
9 maýsym: birinshi komponent – 40 589, ekinshi komponent – 27 350;
8 maýsym: birinshi komponent – 38 122, ekinshi komponent – 25 577;
7 maýsym: birinshi komponent – 17 758, Ekinshi – 7 960;
6 maýsym: birinshi komponent – 21 044, ekinshi komponent – 13 473;
5 maýsym: birinshi komponent – 27 585, ekinshi komponent – 23 800;
4 maýsym: birinshi komponent – 22 443, ekinshi komponent – 24 259.
Eger elimizde bir táýlikte 68 myń adam ekpe saldyrsa, onda bir aı ishinde olardyń sany 2 mln-nan astam bolar edi. Búgingi tańda Qazaqstanda barlyǵy 2 371 178 adam birinshi komponentti, ekinshisin – 1 264 247 adam ǵana ektirgen.
Budan ózge, SQ-Farmasııa basshysy Qazaqstan «Spýtnık V»-niń 10,2 mln dozasyn satyp alǵanyn málimdedi. Biraq halyqtyń vaksınaǵa suranysy tómen ekenin alǵa tartyp otyr.
Eske sala keteıik, Premer-Mınıstr Asqar Mamın ákimdikter men densaýlyq saqtaý mınıstrligine jazǵy kezeńde, ásirese, Mańǵystaý, Aqmola, Qostanaı oblystary men Nur-Sultanda vaksınalaý qarqynyn barynsha arttyrýdy tapsyrdy.
