Halyqaralyq jıynǵa Reseı, Túrkııa, Italııa, Qazaqstannyń tanymal, jetekshi transplantolog mamandary qatysty. Basqosýda medısına mamandary organdardy transplantasııalaýdy damytý máselelerin, sondaı-aq transplanttaý júıesin uıymdastyrýdyń ozyq tájirıbelerin talqylady.
Aıta ketý kerek, konferensııaǵa Qazaqstannan alǵash ret TMD elderine tanymal, tájirıbeli transplantolog-hırýrg, Shymkenttegi №1 Qalalyq klınıkalyq aýrýhananyń bas dárigeri Donbaı Abylaı qatysty. Ol «Týystyq baýyr transplantasııasynyń tehnıkasy» atty baıandama jasady.
– Baýyr transplantasııasy tehnıkalyq turǵydan áldeqaıda qıyn. Baýyrda tamyr kóp. Donordan baýyrdyń jetkilikti mólsherin kesip alý da ekiniń biriniń qolynan kelmeıdi. О́ıtkeni donordyń aǵzasy qalypty tirshiligin jalǵastyrýy úshin qajet mólsherde baýyr qalýy kerek. Resıpıentke salǵan baýyrdyń tolyq jumys istep ketýi de qosymsha kóp yqpal jasaýdy qajet etedi, – deıdi bilikti dáriger.
Abylaı Donbaı óziniń biliktiliginiń arqasynda 600-den asa naýqasqa ota jasap, ekinshi ómir syılaǵan. Osy jyly baýyr transplantasııasyn 5 saǵat 48 mınýtta jasap, Qazaqstanda rekordttyq kórsetkish jasaǵan bolatyn.
