«Polısııanyń negizgi mindetteriniń biri – quqyq buzýshylyqty boldyrmaý, onyń aldyn alý. Bul jerde ýchaskelik polısııa ınspektorlarynyń mańyzy zor. Memleket basshysy ýchaskelik ınspektorlardyń mártebesin arttyrý týraly tapsyrma berdi. Olardyń jumysyn tıimdi etý úshin quzyretin keńeıtip, zańǵa ózgertýler engizilýde», dedi mınıstr.
Vedomstvo basshysynyń aıtýynsha, qazirgi ýaqytta aýyldarda ýchaskelik ınspektorlar jetispeıdi. Keı jerde 3-4 aýylǵa bir qyzmetker jaýapty bolyp júr.
«Osyǵan baılanysty, ishki rezerv esebinen ýchaskelik ınspektor kómekshisi laýazymyn engizý josparlanyp otyr. Jergilikti atqarýshy organdarmen birge ýchaskelik pýnktter salý josparlanýda. О́z aýmaǵyna jaqyn bolýy úshin aýyldyq jerlerde ýchaskelik pýnkter qyzmetkerler turatyn úımen birge salynady. Al qalalarda turǵyn úı keshenderinde ornalasady», dedi Erlan Turǵymbaev.
