Aımaqtar • 11 Maýsym, 2021

Jedel járdem basshylyǵy jeke qorǵanys quraldaryn bazarǵa satqan

36 ret kórsetildi

Almaty qalasynyń Densaýlyq saqtaý basqarmasy jedel járdem jumysynan kóptegen kemshiliktiń tabylǵanyn aıtty, dep habarlaıdy Egemen.kz zakon.kz-ke silteme jasap.

Sáýir aıynda Almaty jedel járdeminiń basshylyǵy jeke qorǵanys quraldaryn qara bazarǵa satqany týraly málimet shyqty. Sol kezde Densaýlyq saqtaý basqarmasy komıssııalyq tekserý keıbir qyzmetkerlerdiń jumysynda birqatar zań buzýshylyqtardy anyqtaǵanyn jáne jedel járdemdi Almaty prokýratýrasy tekseretinin aıtty. Alaıda qadaǵalaý organy bul aqparatty joqqa shyǵardy. 

Almaty qalasy Qoǵamdyq densaýlyq basqarmasynyń basshysy Narıman Tabynbaevtyń aıtýynsha, Almaty ákimdigi tekserý júrgizýdi tapsyrǵan. Komıssııaǵa jergilikti depýtattyq korpýs, qalalyq densaýlyq saqtaý, ákimdik, medısınalyq uıymdar men jedel járdem mamandary kirdi. Olar lısenzııalyq qyzmette, is júrgizýde, shtattyq qurylymda, kadr qyzmetinde, qarjylyq esep berý sharttarynda, medısınalyq tehnıkany basqarý júıesin júrgizýde quqyq buzýshylyqty anyqtady.

«Anyqtalǵan quqyq buzýshylyqtardyń kúrdeliligine baılanysty qarjylyq baqylaý salasyndaǵy quzyretti organdardy tarta otyryp, qarjy-sharýashylyq qyzmetti neǵurlym keńeıtilgen tekserý qajet», dedi Narıman Tabynbaev.

Sońǵy jańalyqtar

Uqsas jańalyqtar