«Birinshiden, bul jerde tergeýdiń egjeı-tegjeıin aıta almaımyn, sebebi is Almaty qalasynyń arnaıy prokýrorlarynyń óndirisinde jatyr. Biz kúdiktiniń ustalǵany jáne onyń qylmysty jasaǵany týraly alǵashqy aqparatty berdik. Kez kelgen osyndaı qylmystar úshin aıyptalýshynyń psıhıkalyq jaǵdaıyna kúmán týyndaǵanda árdaıym sot-psıhıatrııalyq saraptama júrgiziledi. Meniń oıymsha, bul is boıynsha da sondaı saraptama taǵaıyndalady. Nátıjelerdi Almaty qalasynyń prokýratýra organdarynan bile alasyzdar», dedi E. Turǵymbaev Ortalyq kommýnıkasııalar qyzmetinde.
Eske salsaq, 19 naýryzda Almatyda 19 jastaǵy boıjetken jumystan shyǵyp úıine oralmaǵan. Keıin Aıajan Edilova óli kúıinde tabyldy .
Almaty qalalyq Polısııa departamenti taratqan málimetke sáıkes, 20 naýryz kúni qyzdyń ápkesi polısııaǵa júginip, sińlisiniń joǵalyp ketkenin habarlaǵan. Boıjetkendi izdeý úshin arnaıy jedel tergeý toby quryldy.
Izdeý jumysy kezinde qyzdyń sol kúni áleýmettik jelide tanysqan jigitpen kezdesýdi josparlaǵany anyqtaldy. Keıin belgili bolǵandaı, boıjetken sol beıtanys jigittiń qylmystyq áreketinen qaza tapqan . Kúdikti - 1993 jyly týǵan Túrkistan oblysynyń turǵyny.
