«Pavlodar oblysynda 15 maýsymnan bastap sýǵa shomylý maýsymy ashylady», dep habarlady sanıtarııalyq-ekpıdemıologııalyq baqylaý departamentinen.
Jaǵajaılarda shomylý áleýmettik qashyqtyqty saqtaýǵa jetkilikti oryn bolǵan kezde ruqsat etiledi. Bul rette jaǵajaılyq jabdyqtar (shezlongtar, kıim aýystyratyn oryndar, aıaq jýatyn jabdyqtar jáne t.b.) ornalastyrylýy kerek. Olardyń sıgnaldyq belgileri, shekteý kedergileri men lentalary bolýy mańyzdy.
Bul týraly aımaqtyq SEBD jáne tótenshe jaǵdaılar departamentiniń ókilderi, basqarmanyń orman sharýashylyǵy jáne sý resýrstary bólimi basshysynyń qatysýymen ótken brıfıngte aıtyldy.
«Demalys aımaqtaryndaǵy jabyq ǵımarattarda aýany zalalsyzdandyrý kvars, bakterısıdti lampalar kómegimen jáne aýany resırkýlıasııalaý arqyly júzege asyrylýy tıis. Bul – osyndaı nysandardyń qyzmet etýiniń mindetti talaby», dep qosyp ótti epıdemıologtar.
