Turǵyn úı qurylysy máseleleri boıynsha «Shymkent» ÁKK» AQ Basqarma tóraǵasy B. Kankın, sáýlet, qala qurylysy jáne jer qatynastary basqarmasynyń basshysy N. Arhabaev baıandama jasady.
«Shymkentke elimizdegi alyp qurylys kompanııalaryn tartý qajet. Qurylys qarqyny men sapa jaǵynan Nur-Sultan men Almaty qalasyna jetý úshin júıeli jumys kerek. Investordy tartymdy, jaqsy jerler qyzyqtyrady. Sondyqtan, qaladaǵy tıimsiz qoldanystaǵy jerlerge monıtorıng jasap, halyq muqtajyna qaraı tıimdi qoldaný qajet.
Aýdandarda da kórikti úıler salý shart. Qalanyń ishindegi eski, apatty úılerdiń ornyna kóp qabatty zamanaýı úıler salý tıimdi bolyp otyr. Sondyqtan bul baǵytta ınvestor tartý aýdan ákimderine júkteledi.
Jalpy qala boıynsha jerlerdi maqsatty paıdalanýǵa aýdıt júrgizýdi, ol baǵyttaǵy jumystardy uıymdastyrýdy Aıbek Sáttibaevqa tapsyramyn», dedi qala ákimi.
Búgingi shtab otyrysynda «Zým» platformasynda birqatar jeke ınvestorlar óz jobalaryn tanystyrdy.
Máselen, «Zavod Avangard» JShS dırektory Murat Saýytbekuly áınek shyǵarý óndirisiniń jobasyn usyndy. Endigi kezekte jobany júzege asyrý úshin jer telimi qajet.
Al, «Evro Znak» JShS kópirlerge jáne jol qurylysyna qajetti temir-beton ónimderin óndiretin kásiporyn. Atalǵan kompanııalarǵa Juldyz ındýstrıaldy aımaǵynan jer berý usynyldy.
Qurylys materıaldary úshin temir-beton óndirisine mamandanǵan «Abdıkýrylys» JShS-na da ındýstrıaldy aımaqtan jer telimi usynyldy.
«Dosymbekova» JK «Turan» shaǵynaýdanynan sport keshenin salýdy josparlaýda.
Sondaı-aq, jıynda qalalyq kásipkerlik jáne ındýstrıaldy-ınnovasııalyq damý basqarmasynyń basshysy Bereke Dúısebekov hattamalyq tapsyrmalardyń oryndalýy týraly baıandady.
Qala ákimi óz sózinde, ınvestorlarǵa ońtaıly jaǵdaı jasaý bıýrokratııany joıýdan bastalatynyn, bul máseleni muqııat eskerý kerektigin aıtyp ótti.
