Vedomstvo basshysy atap ótkendeı, mektepter sanıtarlyq qaýipsizdik sharalaryn, maska rejımin qatań saqtaýy tıis. Sondaı-aq saltanatty sharaǵa qatysýshylar keminde 1-1,5 metr ara qashyqtyqty qamtamasyz etip, ata-analar men zańdy ókilderdiń bireýi ǵana kelýi kerek.
Sonymen qatar QR Bilim jáne ǵylym mınıstrligi attestat tapsyrý saltanatyn ár synyp úshin bólek ótkizýdi usynady. Attestattardy tapsyrý rásimi saǵat 10.00-de bastalady jáne árbir mektep bitirip jatqan synypqa 40 mınýt ýaqyt beriledi. Is-sharalar arasyndaǵy ınterval 20-30 mınýttan kem bolmaýy kerek. Saltanatty bólim aıaqtalǵannan keıin túlekter «Igi ister kúni», «Meıirimdi is – ózińe yrys», «Týǵan elge taǵzym», «Aıalaıyq tabıǵatty bárimiz!» syndy aksııalarǵa sanıtarlyq-gıgıenalyq talaptardy saqtaı otyryp, qatysady dep josparlandy.
«Biz mektep túlekteriniń bir-birimen qaýyshyp, muǵalimderiniń izgi tilekterin tyńdaýǵa jáne mektepti bitirý týraly attestattardy saltanatty túrde alýǵa degen tilekterine túsinistikpen qaradyq. Alaıda, endi árbir mektep qaýipsizdik sharalaryn saqtaý máselesin óz baqylaýynda ustaýy tıis. Sondaı-aq is-sharalardy ótkizý úshin aqsha jınaýǵa, meıramhanalarda, dámhanalarda jáne basqa da kóńil kóterý mekemelerinde bitirý keshterin uıymdastyrýǵa jol berilmeıtinin taǵy da eske salǵym keledi», dep atap ótti Bilim jáne ǵylym mınıstri Ashat Aımaǵambetov.
2020-2021 oqý jyly 11 (12) synypty 154 myńǵa jýyq túlek aıaqtaǵanyn aıta ketken jón.
