«Rýdnyı qalalyq polısııa basqarmasynyń qyzmetkerleri «Qarasora-2021» jedel-aldyn alý is-sharasy aıasynda psıhotroptyq zattardy daıyndaıtyn narkologııalyq zerthana qyzmetine tosqaýyl qoıdy. Qostanaı qalasynyń 55 jastaǵy turǵyny avtokólik garajdary aýmaǵynan bir garajdy qylmystyq maqsattaryn júzege asyrý úshin jalǵa alǵan. Zerthanaǵa aınalǵan garajdy tintý barysynda jedel ýákilder jalpy salmaǵy 308 gramm «mefedron» psıhotroptyq zaty bar 446 zip–paket tárkiledi. Garajdan kofe tartqyshtar, elektrondy tarazylar, etıl spırti, esirtkini oraýǵa arnalǵan elektrlik taspalar syndy búkil arsenal alyndy», dedi ol.
Resmı ókildiń aıtýynsha, atalǵan fakt QR QK 297-babynyń 3-bóligi boıynsha tirkeldi.
«Buryn osyǵan uqsas qylmystary úshin sottalǵan kúdikti endi múlki tárkilenip, 10 jyldan 15 jylǵa deıin bas bostandyǵynan aıyrylýy múmkin», dedi Nurdildá Oraz.
