«Qazaqstanda 18 jasqa deıingi 6 mıllıonnan asa bala bar. 42 myńnan dep eseptegende onyń qarajaty óte qomaqty bolady. Mınıstrliktiń qazirgi bıýdjeti 4 trıllıonǵa jaqyn, onyń kóp bóligi ana men balaǵa jumsalady. Respýblıkalyq bıýdjet 14 trıllıon teńge, ıaǵnı úshten biri bizdiń mınıstrlikte. Onyń 96 paıyzy járdemaqy, zeınetaqy sııaqty tólemderge jumsalady. Al, ana men balaǵa 700 mıllıardtan asa qarajat bólinip otyr. Sol úshin onyń barlyǵyn jiti zerttep shyǵý kerek», dedi Serik Shápkenov.
Eske salaıyq, 26 mamyrda Májilis depýtaty Aıjan Sqaqova Qazaqstanda 18 jasqa deıingi ár balaǵa ortasha jalaqy mólsherinde jalpyǵa birdeı járdemaqy engizýdi usyndy. Eńbek jáne halyqty áleýmettik qorǵaý mınıstri eldegi járdemaqy tóleý júıesine ózgeris engizý qarastyrylyp jatqanyn aıtty.
