Bul týraly Mızoram shtatynyń bas mınıstri Twitter-paraqshasynda jarııalady.
«Búgin álemdegi eń úlken otbasynyń otaǵasy Zıona Chana qaıtys boldy. Onyń otbasy turatyn aýyl shatymyzdyń basty týrıstik oryndardyń biri bolatyn. Jatqan jeriń jaıly bolsyn», delingen mınıstrdiń málimdemesinde.
Zıona Chana, polıgamııa tájirıbesin ustanatyn dinı sektanyń jetekshisi. 13 maýsymda túnde qaıtys bolǵan. Onyń 39 áıeli, 89 balasy jáne 36 nemeresi bar.
Er adam qant dıabeti men gıpertonııadan zardap shekken. Dárigerler Chananyń jaǵdaıy Baktang Tlangnýam aýylyndaǵy úıinde nasharlaǵanyn aıtty. Jeksenbide keshke ol aýrýhanaǵa jetkizilip, sol jerde qaıtys bolǵan.
Chana 1945 jyly 21 shildede dúnıege kelgen. Ol alǵash ret 17 jasynda úılendi, áıeli Zatıanga odan úsh jas úlken edi. Otbasynda 200-den asa adam boldy. Chananyń otbasy álemdegi eń úlken otbasy retinde Gınnestiń rekordtar kitabyna engen.
Chana jáne onyń otbasy turatyn Úndistannyń soltústik-shyǵysyndaǵy aýyl týrısterdiń qyzyǵýshylyǵyn týdyratyn erekshe oryn sanalǵan. Baktang Zıona aýylynda tórt qabatty úı salynǵan, onda 100 bólme jáne 17 jýynatyn bólme bar. Ár bólmede 3-4 adamnan turady.
