– Osy maqsatta mobıldik toptardyń jumysy kúsheıtilip, olarǵa shaǵym berý tártipteri jáne senim telefondary týraly málimetter prokýratýranyń, kásipkerler palatasynyń resmı saıttary men áleýmettik jelilerinde jańartylyp, oblys jáne aýdan ortalyqtarynda bılbordtar ornatyldy.
Nátıjesinde mobıldik toptarǵa kásipkerlerden ótken 2020 jyly barlyǵy 13 aryz-habarlama tússe, 2021 jyldyń 5 aıynda 30 aryz-habarlama (sıgnal) túsip, óńirdegi bıznestiń prokýratýraǵa senim deńgeıi artýda, – delingen habarlamada.
Sonymen qatar aǵymdaǵy bıznesti qorǵaý boıynsha atqarylǵan jumystardyń nátıjesinde 17prokýrorlyq qadaǵalaý aktileri engizilip, 117kásipkerdiń quqyǵy qorǵalǵan. 16 tulǵa tártiptik, 1 laýazymdy tulǵa ákimshilik jaýapqa tartylsa, 2 zańsyz tekserýdiń jáne kásipkerlerge qatysty 9 ákimshilik óndiristiń kúshi joıyldy (jalpy somasy 360 485 teńge aıyppuldan bosatyldy).
– Mysaly, «QazBuilndings» JShS dırektory N.Deneevtiń aryzyn qaraý kezinde Qyzylorda oblysynyń memlekettik sáýlet-qurylys baqylaý basqarmasy tarapynan qurylys-montajdaý jumystaryna lısenzııa berýden eki ret negizsiz (zańmen kózdelmegen talap qoıǵan) bas tartylǵany anyqtalyp, Basqarma basshysyna qatysty ákimshilik is qozǵaldy.
Qyzylorda qalasynyń mamandandyrylǵan ákimshilik sotynyń 29 naýryz 2021 jylǵy qaýlysymen basqarma basshysy ákimshilik jaýapkershilikke tartylyp, oǵan 61 257 teńge aıyppul salyndy, – dep habarlady aımaqtyq prokýratýra.
Kásipkerlerden túsken aryzdardyń basym bóligi kedergilerdi azaıtyp, erkin jumys isteýge qolaıly jaǵdaı jasaýǵa baǵyttalǵan. Bul jaǵy da eskerýsiz qalmady. Oblystyq prokýratýranyń narazylyǵyna sáıkes oblystyń bas memlekettik sanıtarııalyq dárigeriniń qaýlysyna ózgerister engizilip, kóptegen kásipkerlik sýbektilerge belgilengen jumys ýaqyty boıynsha shekteýler alynyp, jekelegen bıznes sýbektileriniń jumys ýaqyty uzartyldy.
– Karantın talaptarynyń saqtalýy boıynsha sanıtarııalyq- epıdemıologııalyq baqylaý organymen bir kásipkerge eki ret zańsyz tekserý júrgizilgeni anyqtalyp (tekserý taǵaıyndaý týraly aktilerde kórsetilgen kásipkerdiń ornyna basqa kásipkerge qatysty tekserýler júrgizilip, sońǵynyń qyzmetkeri ákimshilik jaýapqa tartylǵan), tekserý taǵaıyndaý, tekserý nátıjesi týraly aktilerdiń jáne uıǵarymdardyń kúshi joıyldy.
Memlekettik kirister organynyń 2 kásipkerge qatysty 5 jáne agroónerkásip keshenindegi ýákiletti organnyń 3 kásipkerge qatysty zańsyz toltyrǵan 3 ákimshilik quqyq buzýshylyq týraly hattamalary jaramsyz dep tanyldy.
Memlekettiń tapsyrys boıynsha bilim berý qyzmetin kórsetken 75 jeke balabaqshanyń 192,9 mln. teńge bıýdjet beresheginiń tólenýi qamtamasyz etildi.
Engizilgen prokýrorlyq qadaǵalaý aktisiniń qaralý nátıjesimen ótkizilgen memlekettik satyp alý boıynsha 35 kásipkerdiń jalpy somasy 33 mln teńge banktik kepildemeleri keri qaıtaryldy.
О́ńirlik kásipkerler palatasymen birlese atqarylǵan jumystardyń nátıjesinde ShJQ «Qazaly aýdanaralyq aýrýhanasy» KMK-y tarapynan dári-dármekter men medısınalyq buıymdardy satyp alý sharttary boıynsha farmasevtıkalyq kompanııalar aldynda qalyptasqan 87,4 mln. teńge qaryzdyń tólenýi qamtamasyz etildi, – delingen aımaqtyq prokýratýra taratqan habarlamada.
