Elordadan bastalǵan Almattyń sapary elimizdiń ońtústik óńirlerin aralaýmen jalǵasqan. Ol 3 myń shaqyrymdy 34 kúnde júrip ótip, velosıpedshiler marafonyna qatysýshylardyń arasynda rekordty da jańartyp otyr. Táýelsizdik qurdasy Nur-Sultan qalasynan shyqqannan keıin Qorǵaljyn, Ulytaý aýdandary men Qyzylorda, Túrkistan, Shymkent, Jetisaı, Taraz, Almaty qalalaryna soǵyp, jalpyulttyq jobaǵa qosqan óz úlesiniń núktesin Taldyqorǵan qalasyna kelip qoıdy.
– Men buryn jol tosyp, saıahattaýmen áýestendim. Keıin ishki týrızmdi damytýǵa jáne sportty nasıhattaýǵa baǵyttalǵan osyndaı patrıottyq velotýrǵa shyǵý týraly oıladym. Osy saparymdy el táýelsizdiginiń mereıli merekesine arnaýdy uıǵardym. Elimizdiń óńirlerin aralaǵan kezde jergilikti turǵyndarmen aralasýǵa, tabıǵat tamashalaryn kórip úlgerýge tyrystym. El táýelsizdiginiń otyz jylyndaǵy jetistikterine kýá boldym. Alǵan áserimdi «Instagram» paraqshasynda bólisip otyrdym. Meni halqymyzdyń qonaqjaılylyǵy tánti etti. Qaı jerge barsam da, beıtanys adamdar meni qurmetti qonaǵyndaı qarsy aldy, – deıdi Almat.
Aıtpaqshy, Almat Baltabekov I.Jansúgirov atyndaǵy Jetisý ýnıversıtetinde «Psıhologııa» mamandyǵy boıynsha oqyǵan eken. Ol qazir Nur-Sultan qalasyndaǵy Psıhıkalyq densaýlyq ortalyǵynda jumys isteıdi.
Almaty oblysy
