Máselen áleýmettik jelige monıtorıng júrgizý kezinde polıseıler, Instagram paraqshalarynyń birinde jol jıeginde maımyldyń elektr baǵanasynyń ústine shyǵyp ketip, túse almaı turǵany túsirilgen beınejazbany anyqtady.
Bul beınejazba boıynsha Saryaǵash aýdandyq polısııa bóliminiń polıseıleri birden tekserý jumystaryna jumyldyryldy. Atqarylǵan sharalardyń nátıjesinde oqıǵa Saryaǵash qalasyndaǵy kóshelerdiń birinde oryn alǵany belgili boldy.
Maımyldyń ıesi saryaǵashtyq turǵyn bolyp shyqty. Onyń aıtýynsha, atalmysh janýardy tasymaldap bara jatqanda, abaısyzda tordan shyǵyp ketken.
Keıin ony bıikten túsirý maqsatynda pnevmatıkalyq qarýmen birneshe ret aýaǵa atyp, jerge túsirgen.
Qazirgi tańda Saryaǵash APB qyzmetkerleri maımyldyń ıesiniń jasaǵan is-áreketi boıynsha zerdelep, tıisti qujattaryn tekserip, jaýapkershiligin qaraýda.
