Tártip saqshylary qala ortalyǵyndaǵy turǵynnyń úıin tekserý kezinde aýlasynan 189 túp esirtkige uqsas ósimdik, sondaı-aq garaj ishinen gazet qıyndysyna oralǵan 2 paket, esirtki tutynýǵa arnalǵan quraldy tapqan.
Júrgizilgen sapartama nátıjesinde 189 túp ósimdiktiń sora ekeni belgili boldy, al garajdan alynǵan ósimdik keptirilgen marıhýana bolyp shyqty.
Atalǵan derek boıynsha Qazaqstan Respýblıkasynyń Qylmystyq kodeksiniń 300-babynyń 2-bóligimen (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sotqa deıingi tergep-tekserý amaldary júrgizilýde.
Kúdikti ýaqytsha ustaý ızolıatoryna qamaldy. Qazir polıseıler kúdiktiniń óz úıinde esirtkini qandaı maqsatta ósirgenin anyqtaýda.
