Saltanatty mereke maýsymnyń 19 kúni atap ótilip, resmı túrde demalys bolyp jarııalandy. Aq úıdegi rásimniń tikeleı efırin amerıkandyq telearnalar júrgizdi.
«Búgingi kúndi federaldy mereke dep jarııalaımyz. Biz demokrattar men respýblıkashyldar retinde Kongreste eki jaqty qoldaýmen osy kúndi eske alý úshin birge kúsh jumsaǵanymyzǵa óte qýanyshtymyn. Bul barsha amerıkandyqtardyń ózara birigý jolyndaǵy bastaýy dep úmittenemin», dedi Baıden.
Saıasatker «Uly halyqtar ózderiniń eń aýyr sátterin elemeıtinin» atap ótti.
Osy jyldyń 19 maýsymy senbige túsetindikten, AQSh-taǵy demalys 18 maýsymǵa aýystyryldy.
Jańa mereke Ulttyq táýelsizdik kúni (National Independence Day) dep atalady. AQSh-ta 4 shildede atap ótiletin Táýelsizdik kúni de bar. Bul 1776 jyly AQSh-tyń Ulybrıtanııadan táýelsizdik deklarasııasyn qabyldaǵan kúni.
Botagóz AMALBEK
