Budan buryn habarlaǵanymyzdaı, 16 maýsym kúni Nur-Sultan qalasynyń ýaqytymen saǵat 23:15-te Mańǵystaý oblysynyń Jańaózen qalasynda ornalasqan «Qazaq gaz óńdeý zaýyty» JShS-ǵa qarasty kompressorlyq sehtyń aýa tońazytqyshynda órt shyqqan edi. Tosynnan kelgen tilsiz jaýdy órshitpeý úshin dereý gaz berý doǵarylyp, zaýyt ta tolyǵymen apattyq rejimde jumysyn toqtatqan.
Ottyń tutanýy jóninde túsinik bergen «QazGО́Z» JShS dırektory Naqbergen Tólepov órtti sóndirý úshin shuǵyl sharalar qolǵa alynǵanyn, oǵan jeke órt sóndirý toptary men TJD kúshteri jáne «QazGО́Z», «О́zenmunaıgaz» AQ qyzmetkerleri jumyldyrylǵanyn jetkizdi.
О́rt saǵat 23:52-de tolyq sóndirildi. Qaıtys bolǵandar men zardap shekkender bolǵan joq. Al órt shyqqan aýa tońazytqyshynyń tek kótergish konstrýksııasy zaqymdalǵan. Negizgi qondyrǵyǵa zııan kelmegen.
QMG basshysy Alık Aıdarbaev kásiporynnyń tehnologııalyq jelisin aralap, órtten keıingi qalpyna keltirý jumystary qalaı júrgizilip jatqanyn kórdi. Budan keıin ol Mańǵystaý oblysy ákiminiń birinshi orynbasary A.Meńdibaevtyń, Jańaózen qalasynyń ákimi M.Ibaǵarovtyń, «QazGО́Z» JShS, «О́zenmunaıgaz» AQ jáne «Mańǵystaýmunaıgaz» AQ birinshi basshylarynyń qatysýymen jınalys ótkizdi.
Jıynda órt saldaryn joıý boıynsha qabyldanǵan sharalar talqylanyp, osyndaı jaǵdaılardyń aldyn alý jóninde birqatar naqty tapsyrma berildi.
Budan bólek, kásiporynda shyqqan órt «Mańǵystaýmunaıgaz» AQ jáne «О́zenmunaıgaz» AQ ken oryndaryndaǵy munaı óndirý deńgeıine teris áser etpegeni aıtyldy.
Sonymen qatar Alık Aıdarbaev órt sóndirý kezinde uıymshyldyq tanytyp, úılesimdi is-áreketterimen tilsiz jaýdy aýyzdyqtaǵan órtke qarsy qyzmet mamandaryna, QazGО́Z, О́zenmunaıgaz ujymdaryna alǵysyn bildirdi.
«Qazirgi mindet – órt zardaptaryn qysqa merzim ishinde joıyp, kásiporynnyń gazdy tolyq qabyldaýyn qamtamasyz etý», dep atap ótti ol.
Búginde «QazMunaıGaz» UK» AQ-da Basqarma tóraǵasy Alık Aıdarbaevtyń tóraǵalyǵymen jedel shtab jumys istep jatyr. Onyń quramyna tıisti qurylymdyq bólimshelerdiń qyzmetkerleri kirdi. Jedel shtab órttiń shyǵý sebepterin anyqtap, zertteý jumystaryn júrgizýde.
Eń bastysy, órttiń saldarynan zaýyt qyzmetkerleri, Jańaózen qalasy men jaqyn mańda ornalasqan eldi meken turǵyndary zardap shekken joq jáne olardyń ómiri men densaýlyǵyna da qaýip joq.
