Alqa otyrysynda málim etilgendeı, qoǵamdyq múddelerdi qorǵaý salasynda memlekettik bıýdjetke 11 mlrd teńgeden astam qarajat óteldi. 405 myń jumyskerdiń paıdasyna 3,4 mlrd teńge jalaqy bereshegi óndirildi.
Mobıldik toptar 70 myńnan astam kásipkerdiń quqyǵyn buzýdyń jolyn kesip, 26 mln teńgeden astam somaǵa 29 myń ákimshilik óndiristiń kúshin joıdy.
Qylmystyq zańnamany qatańdatý nátıjesinde mas kúıinde kólik júrgizgeni úshin bas bostandyǵynan aıyrylǵandardyń sany 106-dan 473-ke deıin, ıaǵnı 4,5 esege ulǵaıdy, kámeletke tolmaǵandarǵa jynystyq zorlyq-zombylyq kórsetý isteri boıynsha barlyq 113 pedofıl túzeý mekemelerine qamaldy.
Qylmystyq proseste tergeýdegi prokýrorlyq qadaǵalaýdyń sapasyn arttyrýǵa asa nazar aýdaryldy.
«Ashyqtyqty qamtamasyz etý jáne azamattar men bıznes quqyqtarynyń buzylýyna jedel den qoıý úshin sıfrlyq tehnologııalardy keńinen qoldaný qajet», dedi vedomstvo basshysy.
Sonymen qatar Ǵızat Nurdáýletov kásipkerlerdiń quqyqtaryn qorǵaý, daǵdarysqa qarsy sharalardyń iske asyrylýyn baqylaý, dári-dármekpen, medısınalyq qamtamasyz etý, jer zańnamasyn saqtaý jónindegi Prezıdenttiń tapsyrmalaryn sapaly oryndaý qajettigin atap ótti, sondaı-aq áleýmettik mańyzy bar azyq-túlik ónimderi baǵasynyń ósý sebepterine taldaý júrgizýge baǵdar berdi.
