«2021 jyldyń qorytyndysy boıynsha Úkimettiń aldynda ekonomıka ósimin 3,5-4,0 paıyz deńgeıinde qamtamasyz etý jáne 1,2 mln adamdy jumyspen qamtý sharalaryn iske asyrý mindeti tur.
Bul halyqtyń naqty tabysyn 5 paıyz arttyrýǵa múmkindik beredi. Úkimet sonymen qatar 8 trln teńgege 415 ınvestısııalyq jobany iske asyrýdy kózdep otyr», dedi Asqar Mamın.
Úkimet basshysynyń aıtýynsha, bıyl 17 mln sharshy metr turǵyn úıdi paıdalanýǵa berý, 200 mektep salý jáne 30 medpýnkt ashý, 6 myń shaqyrym avtojol jóndeý jáne salý, halyqty aýyz sýmen qalada – 98 paıyz jáne aýylda – 91,8 paıyz qamtamasyz etý josparlanǵan.
«Agroónerkásiptik keshenniń áleýetin paıdalaný úshin 1 050 shaqyrym kanaldy jóndeý josparlanyp otyr. Bul sýarylatyn jerlerdi 78 myń gektarǵa ulǵaıtýǵa múmkindik beredi», dedi Premer-Mınıstr.
