Oblystyq Polısııa departamentiniń habarlaýynsha, qajetti saraptamalar taǵaıyndaldy.
«Atalǵan fakt boıynsha Pavlodar oblysy Polısııa departamentiniń ishki qaýipsizdik basqarmasy QR Qylmystyq kodeksiniń 120 «Zorlaý» jáne 362 «Bılikti nemese laýazymdyq ókilettikterdi asyra paıdalaný» babymen sotqa deıingi tergeý júrgizýde. Qajetti saraptamalar taǵaıyndaldy, onyń nátıjeleri boıynsha prosessýaldyq sheshim qabyldanady», dep túsindirdi Polısııa departamenti.
Eske salsaq, pavlodarlyq quqyq qorǵaýshy Elena Semenova Pavlodardaǵy tergeý ızolıatorynda «Meni polısııa maıory zorlady» degen 22 jastaǵy qyzdy kezdestirgenin aıtqan. Boıjetkenniń sózinshe, ony 17 aqpanda ustap, jeke tintý júrgizgen, sodan keıin polısııa bólimine ákelip, tún ortasyna deıin tergeý áreketterin júrgizgen. Sosyn ony páterge aparǵan, polıseılerdiń biri «báriniń sharshaǵanyn, osynda túneıtinin, tańerteń polısııa bólimine birge baratynyn» aıtypty.
Quqyq qorǵaýshy jetkizgendeı, qyzdyń sózinshe, ol páterde Pavlodar oblysy Polısııa departamentiniń polısııa maıoryn kórgen. Ol kúdikti qashyp ketpeýi úshin kúzetý kerek degen jeleýmen dıvanda qyzdyń janyna jatyp alǵan, sodan keıin zorlaǵan desedi.
