Aqtóbe qalasyndaǵy Sh.Qaldaıaqov kóshesinde patrýldik polısııa qyzmetkerleri bankterdiń biriniń menedjeri rýlde otyrǵan «Daewo Nexia» avtokóligin toqtatty. 26 jastaǵy júrgizýshi buǵan deıin de kólik quralyn basqarý quqyǵynan aıyrylǵan, «kannabıoıdtardy» paıdalanyp, mas kúıinde kólikti basqarǵan.
«Sol kúni Bógenbaı batyr kóshesindegi «Dastan» qonaq úıine qarama-qarsy bette polısııa qyzmetkerleri 38 jastaǵy júrgizýshiniń basqarýyndaǵy «VAZ-21140» avtokóligin toqtatty. Ol da buryn kólik quralyn basqarý quqyǵynan aırylyp, avtokólikti esirtkige masań kúıde basqarǵan. Eki derek boıynsha da Qylmystyq kodekstiń «Kólik quralyn basqarý quqyǵynan aıyrylǵan, alkogoldik masań kúıdegi adamnyń kólik quralyn basqarýy» baby boıynsha tergeý áreketteri júrgizilip jatyr. Kólik quraldary arnaıy turaqqa qoıyldy», dedi oblystyq PD baspasóz qyzmetiniń jetekshisi Erbolat Sarqulov.
